This is for You Shona (Preeti Verma)

Ye blog meri sweetest, lovely, cute, jaan, shona, baby, paglu, babu, adorable darling aur dhakkan ke liye hai. Wo meri zingadi ka pyar hai. Aur ye aur koi nahi tum ho PREETI VERMA. Tum ho jisne mujhe pyar ka sahi matlab sikhaya hai. Agar kehte hai ki pyar karna galti hoti hai to kasam se tumse pyar karne ki galti baar baar karunga.

Ye blog meri bas ek koshish hai taki mein tumhare liye apna pyar, fellings aur affection dikha saku. Kyoki jab bhi tum mere samne hoti ho to mein bol nahi pata. Bas maan karta hai tumhari aankho mein dekhta rahu, mujhse baat karte sunta rahu aur tumhe feel kar saku. Shyad kisi din mein na rahu. Shyad tum meri awaz sun ne ko tarso, par kya pata mein bol na pau. Kyoki ho sakta hai tab mein zinda na rahu. Par mera ye blog hamesha zinda rahega aur tumhare liye mere pyar ko zinda rakhega. Tum jab bhi mere samne nahi hoti tab mein tumhe bahut miss karta hu. Kasam se, sachi... Itna miss karta hu jaise ki ek sunflower subah hone ka intezar karta hai taki suraj nikle aur bas uski taraf dekhta rahe... I love you madly. Nahi reh paunga life mein tumhare bina.

DaYs PaSs By SoMeHoW, bUt NiGhTs ArE a WaGoN Of PaIn.

InJuRiEs MaY HeAl WiTh TiMe, BuT mArKs WiLl AlWaYs ReMaIn.

ReStLeSs On My CoMfOrTaBlE bEd, I tUrN aNd TrY tO sLeEp.

BuT ThOuGhTs ArE bUlKiNg My HeAd, AnD hAvE fOrMeD a HuGe HeAp.

Mein tumhe awaz dekar kuch batane ki koshish kar raha hu that I Love You Preeti, I Love You Madly. Is blog ke through mein apne dil ki awaz tum tak pahuchana chahta hu.

"Kaise mein kahu tujhse, Rehna hai tere dil mein"

Jab tumhe pehli baar dekha (Jab we meet)

Hamare milne se pehle hum dono ki kabhi kabhi taniya ke cell phone ke throug baat hoti thi. Jab bhi tum apne ex bf ke liye rooti thi aur mein apni taraf se mickey mouse ban kar puri koshish karta tha ki tumhe hasau aur jis condition mein ho use bhulane mein tumhari help karu. Aur mujhe yakeen hai ki mein apni koshish mein kamiyab bhi hota tha, kyoki tum meri kisi na kisi baat par haste the aur roona bhul kar normal situation mein aa jate the. Dheere dheere phone par baate hume dosti tak le aai. Aur fir hum facebook par friends bane. Aur sach mein kabhi mere dimag mein nahi aaya ki mein facebook par tumhari pics dekhu. Mujhe aaj bhi wo din yaad hai jab mein agra taniya ki dadi ke yaha aaya tha aur tum mujhe milne waha aayi thi. Tumne mushkil se 10 minute sath bitaye honge kyoki tum jaldi mein thi. Tumhe wapas ghar jana tha. Wo pehli baar mene tumhe dekha tha aur aaj bhi wo din meri life ka sabse remembrable din hai. Nahi bhul sakta mein us smile ko jo tumhare pyare se chehre par thi, jiske liye mein phone par comedian banta tha. Jab tum waha se chali gayi uske baad sachi mein bas tumhare baare mein soch raha tha. Mere dimag mein bas ek hi baat aa rahi thi...

Pehli baar jo dekha, dil ne kaha mujhe pyar ho gaya...

Seriously mein tumhe miss kar raha tha apne samne wali seat par jaha tum bethe the aur mere sath 10 minute nikale the. Jo bhi mere samne khane ko rakha tha wo sab bhul gaya tha aur bas umeed laga raha tha ki ek baar tum wapas aa jao aur tum dekh lu. Fir bhi bahut deer betha raha, tumhara wait karta raha ki shayad ek baar aur dekh lu, par tum nahi aaye. Mere ears taniya ki bakwas sun rahe the aur eyes tumhe dekhne ko taras rahi thi. Mein pray kar raha tha god se ki please god one more time. Soch raha tha ki kya pata wapas yaha aane ka mauka mile ya na mile, kya pata tumhe wapas dekh paau ya nahi. Tumhe bina dobara dekhe jane ka maan to nahi kar rha tha par kya karta taniya ki bla bla bhi sun raha tha. But suddenly taniya ke kuch words mein mujhe use sun ne par majbor kar diya aur wo the...

"Soamibagh mein jo bhi aata hai, wo malik ki marzi se aata hai. Malik ki marzi ke bina yaha parinda bhi kadam nahi rakh sakta. Aarush tune soamibagh mein kadam rakha hai wo malik ki marzi se kyoki tera dil saaf hai, isliye yaha hai. Dilse jo mangega wo soamibagh mein milega tujhe".

Mene taniya ki taraf dekhte hue kah tha "Pakka jo mangunga wo milega". Usne bhi kaha "Ha milega". Fir meri aanke uski sofa par gayi jaha tum thodi deer pehle bethe hue the aur apni ankhe band ki aur taniya ko kaha "Mang liya malik se jo sache dil se mangna tha".

Ek anjan si jagah par mein ek anjan se chehre ka wait kar raha tha aur jise bas thodi deer ke liye mila tha. Sachi preeti mujhe nahi pata ki tum me kya jaddu tha ki tumhe dekhte hi pyar ho gaya tha. Mein kabhi love at first sight par believe nahi karta tha par tumhe dekhe ke baad ho gaya tha pyar. Wo pyar jiske liye mein saari life wait kar sakta hu. Bahut deer tumhara wait kiya waha par tumhare na aane par mujhe waha se jana pada. Jate jate soch raha tha ki shyad tumhe bata du ki I am in love with you. Par first time milne aur ye kehna okward laga. To nahi keh paya...

Chahe wo pehli mulakat hi sahi, par teri aankho mein jadoo sa tha. Doob jana chahta tha, kho jana chahta tha, taki teri aankho se mein duniya dekh lu... I LOVE YOU SOOOOOOOOOOOOOOOOOOO MUCH...

Tumse durr (Par mere dil ke hamesha karib)

Wapas agra se faridabad aane ke baad mein mein has pal bas unhi 10 minute ko yaad karta tha, jab tum mere samne bethe the. Tab taniya se phone par baate zarur hoti thi par dimag mein hamesha tumhe sochta tha. Sochta rehta tha ki pata nahi tum kaise hoge. Seriously Shona (Preeti) it was difficult for me to forget your sweet and charming face. mein marta rehta tha tumhari cute si smile ko dekhne ke liye. Aur dusri tarah sochta rehta tha ki pata nahi wapas tumhe aur tumhari smile dekhne ka mauka milega ya nahi, wapas phone par comedian ban kar tumhe hasane ka chance milega ya nahi. Aur jab bhi taniya phone par mujhe kehti thi ki preeti roo rahi hai kyoki wapas wohi ex ke sath pange hue hai to mein sochta tha ki yaar pagal hai wo jo tujh jaisi pyari ladki ko rula raha hai. Aur mein ye bhi sochta tha ki kash us waqt tumhare sath hota aur apne hatho se tumhare aansu pochta. Kyoki mujhe tumhare chehre par wohi smile chaiye jo mene first time taniya ke yaha dekhi thi.  Preeti ko rote hue na kabhi dekh sakta na kabhi soch sakta. Jab bhi taniya se phone par baat hoti thi to bas ye sun ne ke liye tarasta tha ki "Preeti se baat karni hai" aur mein "Haa kara de na". Aur ye bas isliye the taki tumhe sun saku, tumhari sweet se smile mehsus kar saku aur apne dil ko tasali de saku ki tum bilkul thik ho. Mein har time tumhe miss karne laga tha. Har pal tumhare baare mein sochne laga tha ki tum thik to hoge na, kahi fir upset hokar roo to nahi rahe hoge. Seriously Shona (Preeti) mujhe daar lagta tha ki agar mein tumhe propose karunga to kya tum mujhe accept karoge. Aur ye bhi janta tha ki tum already commited ho aur relation complicated hai, to kabhi propose karne ki himmat nahi hui. Sach kahu to mene kabhi anjane mein bhi tum dono ka breakup nahi socha balki god se pray karta tha ki tum dono ke bich misunderstanding khatam ho aur tum dono happily ek sath raho. Aur dekho tumse pyar bhi tha aur pane se daar raha tha. Par mera pyar hi tumhari khushi mein hai shona. Soch liya tha ki jab tak hu tumhe khush rakhna hai. Taki aage mein kabhi na rahu to atleast mujh jaise duffer ko kabhi kabhi yaad to kar loge ki tha koi jo tumhari smile ke liye kuch bhi kar sakta tha. Aur agar tumhe yaad ho to mene tumhare ex se bhi baat ki thi taki apni taraf se try kar saku ki tum dono ki misunderstandings clear ho jaye. Par mere ye koshish pata nahi kyo fail ho gayi. Tumse pehli nazar mein pyar ho gaya tha tha, dil ki har heartbeat tumhara naam lene lagi thi, aamkhe band karte tum dikhti thi aur aankhe kholte bhi tum. Par fir bhi mein tum dono ko sath dekhna chahta tha kyoki wo tumhare dil mein tha aur mere liye jagah nahi thi. Tumhe apna banana chahta tha par nahi bana sakta tha kyoki tumhari khusi uske sath thi. Tumne uske baare mein apni family ko bataya tha jo ki proof the ki tum serious thi usse lekar. Tumhe usse chura lene chahta tha aur jab bhi akela mehsus karta tha tab apni aankhe band karta aur tumhe dekhta tha aur mera akelapan durr ho jata tha. Shona (Preeti) tum is duniya ki sabse aachi ladki ho aur wo insan sabse kismat wala hoga jiski tum lifepartner banoge. Akela beth mein sochta tha ki tum kyo mujhe accept karoge? Kya mein tumhare ex jaisa smart hu? Kya mujhme wo qualities hai jo tum apne life partner mein dhundhte ho? Kyo accept karoge tum mere baare mein kuch jante bhi nahi ho? In questions ke sath sath na jane aur kitne sawal mujhe tumhari yaad dilate the. Mere ears tumhari awaz sun na chahte the aur taniya ke muh se "Preeti se baat karni hai kya" aur dusri taraf "Soamibagh mein jo bhi dil se mango wo milta hai".

Mere dil dimag mein bas tum rehne lage the shona. Kai baar jab khud ko mirror mein dekhta tha to hasi aa jati thi ki aarush ek anjan se chehre ne tujhe kya kar diya hai. Aur mein bhi mirror wale aarush ko keh deta tha ki ye anjan se chehre se pyar hai. Wo pyar jiske liye har haad paar karunga. Agar mere pyar mein sachai hui to us anjan se chehre ko paa lunga aur duniya ki saari khushi dunga. Chehre par gam ki ek line bhi nahi aane dunga.  Tum mera sapna ban chuke the. Par ye bhi janta tha ki har sapna sapna sach nahi hota. Tum pehle se hi commited the aur tumhare dil mein wo tha aur mere liye jagah nahi thi.

! Palko se aankho mein saama gaye, Aankho se dil mein utar gaye. Dhadkan bhi mere dil ki aisi jo darne lagi ki kahi tera intezar karte karte ruk na jaye !

I LOVE YOU SOOOOOOOOOO MUCH SHONA